A Asociación Galega de Editores comezou a planificar o que será un ano cheo de actividades co obxectivo de promover a visibilidade do libro galego. Entre os proxectos está a celebración dunha gala, ao xeito que o fan outros sectores, na que entregarán galardóns co nome do editor Ánxel Casal. Barcelona será a capital da literatura galega o Día Internacional do Libro, 23 de abril, grazas a unha morea de actividades previstas para esa data, con presenza de escritores e varias exposicións. Os editores preparan un gran encontro do sector en Pontevedra en decembro, e confirmaron tamén a presenza da edición galega en feiras profesionais internacionais.
Máis información en La Voz de Galicia
