A proliferación de eucaliptos que se dá no Parque Natural das Fragas do Eume podería ter remedio de prosperar o plan da Xunta para diminuír a presenza desta especie. A Consellaría de Medio Ambiente ofrecerá compensacións aos propietarios de montes que opten por eliminar as árbores australianas, e encargarase de plantar especies autóctonas no seu lugar. Os propietarios afectados condicionan o funcionamento da proposta á contía das compensacións que ofreza o goberno. A medida era unha das propostas da Plataforma pro Monfero para mellorar a situación do parque.
Máis información en La Voz de Galicia e nos nosos arquivos
