Alfonso Zulueta de Haz, presidente do Consello da Cultura Galega, presentou onte na comisión de Economía do Parlamento os orzamentos desta institución para o ano 2005. Segundo as previsións, o Consello contará no vindeiro ano con 2,4 millóns de euros para financiar o seu funcionamento, o que supón un incremento do 16,3% sobre o ano anterior. Destes cartos, e seguindo a distribución de gasto habitual, destinarase un 35% a gastos de persoal, un 15% a gastos xerais e un 50% para investigacións e actividades culturais. Na súa intervención, o presidente destacou a importante repercusión pública que están a alcanzar o web corporativo do Consello, consellodacultura.org, e o portal culturagalega.org.
Máis información en Galicia Hoxe; e no web do Consello da Cultura
