As obras clásicas universais da literatura infantil e xuvenil serán os protagonistas da sexta edición do Salón do Libro de Pontevedra. Os organizadores do evento, Asociación Socio-Pedagóxica Galega, Concello de Pontevedra e Asociación Máis Libros, anunciaron o tema e a convocatoria do encontro a celebrarse entre o domingo 30 de xaneiro e o sábado 5 de febreiro do 2005 no Pazo da Cultura como xa é habitual. A organización traballa na elaboración dunha relación de obras e autores de referencia, así como unha guía de obras traducidas ao galego, co obxecto de promover o coñecemento e a lectura dos clásicos desde a nosa lingua.
