Cada vez temos máis aparellos tecnolóxicos, máis interconectados entre si e que melloran o noso benestar. Estas son as principais conclusións do estudo "Actitude dos españois cara as novas tecnoloxías" que realizou a empresa Intel Corporation Iberia e cuxos resultados se presentaron onte en Compostela. Nos datos que se refiren a Galicia, a enquisa revela que a maior parte da poboación goza dos avances tecnolóxicos e sobre todo para mellorar a súa comunicación con familiares e amigos, aínda que estamos dez puntos por debaixo da media estatal en información sobre novas tecnoloxías. Ademais, a maior parte dos galegos cre que as novas tecnoloxías cambiaron e simplificaron as formas de traballo.
Máis información en El Correo Gallego
