Os galegos e galegas de entre 10 e 15 anos empregan as novas tecnoloxías ao mesmo nivel que os rapaces do resto do Estado. Un 74,5% desta poboación conectouse a Internet nos últimos tres meses fronte ao 76,8% da media estatal, segundo os datos do Instituto Nacional de Estatística. Esta escasa distancia contrasta cos nove puntos de diferenza que se dá entre o conxunto da poboación galega e a media estatal. En canto a emprego de móbil, o 64,4% dos rapaces galegos teñen un destes aparellos, fronte ao 64,7% do Estado.
Máis información en Sociedadedainformacion.eu
