A primeiros de setembro o Festival de Poesía do Condado tivo que suspender as súas actividades programadas por causa dun forte temporal de chuvia e vento. A Sociedade Cultural e Desportiva do Condado non se desanimou e agora retoma a parte do programa que quedou sen desenvolver. A música será a protagonista na xornada do nove de outubro coas actuacións da Xistra, Mercedes Peón, A Matraca perversa e Aché, alén diso participarán cun recital os poetas Viale Moutinho, Carlos Quiroga, Kiko Neves, Xosé Álvarez Cáccamo, Brais González e Daniel Salgado. A xornada terá lugar baixo teito para evitar imprevistos meteorolóxicos.
Máis información no sitio da SCD Condado
