O programa “Encontro de Culturas” organizará varios encontros artísticos entre Galicia e Portugal o vindeiro ano

Catrocentos sesenta mil euros destinaranse ao longo do vindeiro ano a promover tres encontros culturais no marco do programa “Encontro de Culturas”. Esta actividade, integrada na Iniciativa Interreg de cooperación transfronteiriza, prevé organizar encontros entre artistas noveis e especialistas de Galicia e de Portugal para intercambiar coñecementos. Entre as propostas está “A estafeta do conto”, sección dedicada a intercambios literarios, e “Musicarte”, un circuíto itinerante que achegará as artes escénicas das dúas bandas do Miño.