O escritor e editor Miguel Anxo Fernán Vello ven de facer unhas declaracións como presidente da Asociación Galega de Editores ao xornal Galicia Hoxe nas que di agardar para setembro a convocatoria dunha reunión por parte da Xunta. Tres consellarías, Educación, Cultura e Economía, reuniríanse cos representantes da AGE para tratar de achar solución as eivas infraestruturais do sistema público de lectura. A AGE remitiu en xullo un documento ao presidente da Xunta no se fai unha serie de propostas nun plan quinquenal cun investimento de 14 millóns de euros, este documento foi o que pasou as tres consellarías implicadas que agora teñen que reunirse cos editores. O obxectivo é subir até os niveis mínimos que recomenda a UNESCO o número de libros por habitante na rede pública de bibliotecas e pasalo do 1,1 actual ao 1,5 por habitante.
Máis información en Galicia Hoxe
