O presidente da FLG -Federación Galega de Libreiros-, Xaime Corral, considera que a Xunta está a prexudicar ás librarías ao excluílas da subministración de libros para bibliotecas. Os libreiros baséanse en que a partida convida entre a Secretaría de Política Lingüística e a Asociación Galega de Editores de douscentos mil euros para adquisición de libros só vai dirixida ás editoriais e non ás librarías en termos de igualdade na competencia. A FLG reclamará por escrito ante a Secretaría facerse partícipe do convenio. Miguel Anxo Fernán Vello, presidente dos editores, asegurou que a merca de libros para bibliotecas directamente ás editoriais é unha práctica universal e asumida “por razóns de loxística e economía”.
Máis información en Galicia Hoxe
