Aquel que nacera coa primeira edición do Festival Poético do Condado fai agora a súa maioría de idade e pode asistir a un evento que transcende o literario para abarcar calquera forma de expresión artística. Durante os tres días, entre o 2 e o 4 de setembro, na localidade de Salvaterra poderá asistir a recitais poéticos, exposicións, concertos, conferencias e proxeccións audiovisuais. A defensa das liberdades é o eixo sobre o que este ano a Sociedade Cultural e Deportiva, organizadora do evento, fai xirar o festival. Poetas galegos, portugueses, e mesmo unha representación das poesías vasca e angoleña aportarán os seus versos.
Máis información en Galicia Hoxe
e en El Correo Gallego
