Un descoñecido libro de poemas bilingüe en galego e español da autoría de Domingo Campio Devesa Naveiro foi descuberto na Habana polo escritor Xosé Lois García. O texto de Domingo Campio foi escrito a finais do século XIX xa na emigración e amosa, segundo o descubridor do texto, influencias do romanticismo cubano. O libro será publicado o vindeiro outono por Edicións do Castro. Por outra banda, están a se ultimar os preparativos para repatriar os restos de Xosé Fontenla Leal, un dos impulsores da Real Academia e do Himno galego que está tamén enterrado na Habana desde 1919. A finais deste ano Jaime López, promotor da repatriación, viaxará a cuba para traer as cinzas, que quere enterrar no Panteón de Galegos Ilustres.
Máis información sobre o poemario inédito en La Voz de Galicia; sobre a repatriación de Fontenla Leal en Diario de Ferrol
