Xosé Fontenla Leal, un dos promotores da Real Academia Galega e mais do noso himno é desde o pasado venres Fillo Predilecto da Cidade de Ferrol. A homenaxe que se lle tributou a este ilustre persoeiro serviu tamén para que o presidente da Real Academia Galega, Xosé Ramón Barreiro, recoñecese a importancia doutro ferrolán, Ricardo Carvalho Calero. A concelleira de Cultura, Yolanda Díaz, reclamou neste evento que se lle dedique a este destacado filólogo o Día das Letras Galegas de 2010. A esta demanda, Barreiro recoñeceu o "altísimo valor" desta figura e a necesidade de recoñecer o seu traballo.
