O centenario da Real Academia Galega celebrarase o ano que vén baixo un novo mandato de Xosé Ramón Barreiro. O ata agora presidente conseguiu unanimidade, tirando un voto en branco, na votación do plenario da RAG o pasado sábado. Entre os proxectos inmediatos que encara a institución de cara aos vindeiros catro anos está a finalización da Gramática Galega, prevista para ano 2006 e a publicación de varios dicionarios específicos. Barreiro anunciou tamén que con ocasión do centenario desta institución están previstos actos en diferentes cidades e vilas que, dun xeito ou outro, estiveron vencelladas coa academia neste século.
Máis información en Galicia Hoxe e en La Voz de Galicia
