A exposición de obras de arte, os concertos e os recitais poéticos, as presentacións literarias, os debates. Todo terá cabida en Auriol. Este novo espazo cultural compostelán abriu recentemente da man de Chicho Losa e da súa muller Choli García, activos membro do mundo cultural da cidade. Segundo Losa, queren facer do lugar "un foro do cidadán ou un salón de arte" enclavado na zona nova de Santiago, e prometen desenvolver abondosas actividades. Polo de agora ofrecen unha mostra de obras dalgúns dos máis destacados pintores do país que forman parte da colección persoal dos promotores.
Máis información en Galicia Hoxe
