Iniciativas artísticas conmemoran o Día Internacional da Muller

A celebración, hoxe 8 de marzo do Día Internacional da Muller ten tamén o seu reflexo na axenda Cultural. Deste xeito, a Deputación de Lugo presentaba onte o ciclo A arte de ser muller nun mundo por compartir 4.0, nova edición dun encontro de creación artística que comprende exposicións, recitais poéticos, obradoiros e visitas guiadas entre outras actividades que se prolongarán ata o vindeiro mes de abril. Pola súa banda, o Museo Municipal de Ourense acolle a exposición Muller, arte e creatividade, que amosa os traballos de artes plásticas de diferentes creadoras galegas. De xeito paralelo, organízanse proxeccións, actuacións musicais e performances que se prolongarán ao longo do mes.