Un encontro aborda a creación colectiva desde a ollada da muller

O proxecto OlaLab propón en Compostela "unha xornada de encontro de artes e artistas de distintas disciplinas conmemorando o mes da muller". O encontro Artes Conxugadas ao Fío da Muller celébrase o vindeiro 5 de marzo a integrará poesía, arte, performance, videocreación, obradoiros abertos de creatividade e a proxección de documentais como Fíos fóra ou Catro na burga. Entre outras propostas haberá lecturas de poemas a cargo de Alicia López, Iria Sobrado, Mariña Pérez Rei, Blanca Cendán e Cleofé Campuzano, conferencias ou a performance Envasadas ao baleiro de Iria Acevedo e Olaia Otero.