O presidente da Xunta, Manuel Fraga, asinaba onte un convenio coa conselleira delegada de Microsoft Iberia para impulsar as novas tecnoloxías en Galicia. Este acordo suporá que o Goberno Autonómico terá prioridade para adquirir e actualizar produtos de Microsoft, mentres que a empresa porá a disposición da Xunta consultores e recursos para optimizar a aplicación dos seus programas. A colaboración inclúe tamén a creación dun Centro de Excelencia dirixido a empresas para divulgar as tecnoloxías da información, e a elaboración dun Libro Branco das Tecnoloxías que incluirá as normas básicas que deben seguir as empresas para se incorporar ao mundo dixital.
Máis información no web da Xunta e en Vieiros; a nosa noticia sobre o Windows en galego
