A Xunta acorda con Microsoft traducir Windows Vista ao galego

Mentres a Consellaría de Industria promove a través de Mancomun.org o software libre no noso idioma, a Secretaría Xeral de Política Lingüística chegou a un acordo con Microsoft para traducir ao galego o sistema operativo Windows Vista e mais a suite Office. O presidente da Xunta, Emilio Pérez Touriño, participaba onte na presentación destes produtos, que se poden descargar xa desde o web de Microsoft. A iniciativa enmárcase na campaña “Faille un clic ao galego”, coa que Política Lingüística quere difundir a nosa lingua no ámbito das novas tecnoloxías.