Xa son catro magníficos os que chegan cada venres ao teu computador coa nova incorporación de Fran Morell á revista de Fin de Semana e a recente entrada dos poemas visuais do Inventario Indócil de Elvira Riveiro, sumados aos útiles e entretidos Encrucillados de Paulino Novo e ao refrescante e necesario oasis literario que constrúe Anxos Sumai en “Anxos... de garda”. Na sección “Os 7 fantásticos” Fran Morell, editor da revista Nova Fantasía, poranos ao día das noticias máis frescas do xénero fantástico e de ciencia ficción en calquera das súas canles: cine, tv, literatura, cómic, etc. Un equipo de catro propostas complementarias para as túas horas de lecer.