Despedímonos de Anxos Sumai, que ven acompañando as nosas fins de semana desde setembro de 2002. A escritora dá por finalizada a súa sección “Anxos de garda” que nestes máis dous anos estivo compartindo con nós vida e literatura nun moi particular diario con centos de seguidores. Fran Morell infórmanos das novas máis interesantes do xénero da fantasía e ciencia ficción en “Os 7 fantásticos”. Elvira Riveiro reflexiona con sensibilidade nun dos poemas visuais do seu “Inventario Indócil”. A sección de pasatempos engade un Encrucillado á súa xa extensa lista para ofrecer unha alternativa de lecer e coñecemento.