En “Os 7 Fantásticos” Fran Morell achega novos datos sobre o futuro de James Bond, do que xa levan ríos de tinta este verán. Alén diso as principais novas da fantasía están presentes nesa sección. Acompañamos á escritora Anxos Sumai dando pasos lixeiros polos días en “Anxos de garda”, un diario pouco habitual na rede. Os poemas visuais de Elvira Riveiro no seu “Inventario Indócil” achégannos unha mensaxe sobre a comunicación. Rematamos a nosa oferta de lecer cun encrucillado do lingüista Paulino Novo, un pasatempo sempre enriquecedor.