Anxos Sumai baila con serpes na consulta do dentista para non pensar na dor de moas. Fran Morell informa das novas máis fantásticas desde Vigo até Hollywood. Elvira Riveiro crea un novo sistema de sinais para os tempos que corren cos seus poemas visuais. Paulino Novo enrédanos a todos no seu encrucillado excitando a nosa imaxinación no pasatempo. “Anxos de garda”, “Os 7 Fantásticos”, “Inventario Indócil” e Encrucillados. Catro propostas excepcionais para un tempo de lecer ben aproveitado.