A formación coruñesa Cantigas da terra presenta un novo traballo despois de vinte anos

"Espírito" é o nome do novo traballo da formación "Cantigas da Terra". O coro da rúa de San Xoán (A Coruña) levaba dúas décadas en silencio e custoulles outros dous anos editar o traballo que tiñan gravado. Aínda así disco bebe nas fontes e nas orixes deste grupo creado en 1916. E outra formación senlleira, a Quenlla acaba de publicar tamén un novo traballo. Titúlase "Silencios na memoria" e está composto por 31 temas entre os que figuran pezas dos autores (Mini e Mero, ou o que é o mesmo Xosé Luís Rivas e Baldomero Iglesias) e música que levan recollendo nos seus trinta anos de vida.