Os responsábeis de que os libros cheguen editados aos quioscos e librarías teñen unha cita en Santiago a partir do xoves. Trátase do Congreso de Editores que, na súa quinta edición, abordará dúas cuestións claves: a defensa do prezo do libro e a necesidade de potenciar as bibliotecas públicas para fomentar a lectura. E todo isto será posíbel a través de sesións de traballo, conferencias e talleres. Alén diso, a Federación de Gremios de Editores de España homenaxerá a tres figuras clave na historia da edición en Galicia: Fernández del Riego, Xaime Isla Couto e Isaac Díaz Pardo.
Máis información no web da Federación de Gremios de Editores de España
