Francisco Fernández del Riego, Xaime Isla Couto e Isaac Díaz Pardo recibirán unha homenaxe durante o V Congreso da Asociación Española de Editores, que vai celebrarse en Santiago entre o 13 e 15 de maio organizada pola Asociación Galega de Editores. O congreso, que reunirá a 350 editores neses días baixo o título “A edición e a lectura”, abrirao a conferencia de Ignacio Ramonet e pecharao a de Suso de Toro. No medio, tres días cargados de obradoiros, debates e comunicacións, alén da devandita Homenaxe á edición histórica de Galicia na que Víctor F. Freixanes actuará como presentador e na que o Presidente da Real Academia Galega, Xosé Ramón Barreiro, laudará aos homenaxeados.
Máis información no Programa (provisional) do V Congreso de Editores
