A Asociación Galega de editores mudará a súa directiva a comezos do vindeiro mes

Sen se coñecer polo de agora ningunha candidatura, a Asociación Galega de Editores, que agrupa ás principais empresas do sector libreiro no país, mudará a súa directiva na primeira semana do vindeiro mes de xuño. O que está claro, polo de agora, é que a actual presidenta, Fabiola Sotelo, non recuncará no cargo ao rematar o seu mandato. Aínda que a renovación estaba prevista para o pasado mes de xaneiro, a asociación acordou adiar a decisión até pasado o Congreso de Editores que se celebrou en Compostela a pasada semana.

Máis información en Galicia Hoxe; sobre o Congreso de Editores neste especial