Excepto o premio ao mellor autor, que desde días atrás xa se sabía outorgado a Agustín Fernández Paz, o resto dos galardóns desta duodécima edición dos Irmandade do Libro foron unha incógnita até a gala que tivo lugar o sábado á noite en Ferrol. A Biblioteca de Literatura Infantil e Xuvenil, unha páxina web feita e mantida pola asociación Filix, recibiu o premio na modalidade de Medios de comunicación e novas tecnoloxías. O xurado tamén considerou ao libro de Evaristo Vázquez “A fouce, o hórreo e o prelo: Ánxel Casal ou o libro galego” (Ediciós do Castro) merecedor do premio ao Mellor libro galego do ano pasado. A Libraria Pedreira de Santiago recibiu o galardón que recoñece o mellor traballo libreiro e a Concellaría de Cultura de Pontevedra o que se outorga no apartado de Institucións. Entre os Centros de Ensino que optaban ao galardón nesa modalidade foi o CEIP Castrelo, de Cambados, o gañador, mentres que foron recoñecidos con accésits o CEIP Carrasqueira, de Coruxo-Vigo, e o CEIP A Rúa, de Cangas.
Máis información no Diario de Ferrol
Biblioteca de Literatura Infantil e Xuvenil BLIX
