O Goberno galego que acaba de clausurar o seu retiro no mosteiro de San Clodio pretende recuperar o patrimonio galego. Divido en catro liñas de actuación - mosteiros, arqueoloxía, museos e actuacións complementarias- a Consellería de cultura pretende invertir 10.000 millóns nos próximos catro anos.
Catro liñas de actuación
En catro frontes pretende actuar a Consellería de Cultura, Comunicación Social e Turismo para a recuperación, mantenemento e posta en valor do patrimonio cultural. A primeira delas atende ó "Plan de intervención dos mosteiros", que supón un investimento de dous mil millóns de pesetas. Unha cantidade que se repartirá entre mosteriros e conventos en uso, reahabilitación de cenobios abandoados, conservación e mantenemento de mosteiros de menor tamaño e consolidación e mantemento dos que se atopan en ruina. A segunda liña de actuación afecta á rede de patrimonio arqueolóxico, que suporá un investimento superior ós tres mil millóns de pesetas. Unha cantidade que se destina a parques arqueolóxicos, restos visitables e centros de exposición. As outras vías de actuación son, por unha banda, o "Programa de intervención en museos, arquvos e actuacións", e pola outra actuacións complementarias da Consellería.
Actividades de xuño a novembro
Un total de 1.300 actividades, englobadas baixo o título "Viva o Milenio", animarán culturalmente as actividades culturais entre xuño e novembro. Un programa de actividades entre os que destaca o "III Festival de Música de Galicia".
