Os días 2, 3 e 4 de febreiro especialistas en literatura infantil e xuvenil (LIXs) debaterán e analizarán o sector dentro do marco ibérico actual no "Primeiro Encontro de Investigadores de literatura Infantil e Xuvenil do Marco Ibérico". As sesións do encontro, coordinadas pola catedrática de Lingua e literatura Galega, Blanca Ana Roig, pretende ver a situación de cada ámbito lingüístico (castelán, catalán, galego, portugués e vasco), e como se vai creando unha cultura lectora que leve a unha literatura comparada. No encontro presentarase o proxecto coordinado por Anxo Tarrío, "Dicionario de literatura" , no que se englobará o volume "Dicionario de literatura Infantil e xuvenil en galego".
Máis información en La Voz de Galicia
