Hoxe chegan ás librarías de España e Portugal catro libros da nova editorial pontevedresa OQO. Especializada en literatura infantil e xuvenil e publicando en galego, castelán e catalá, a editorial inicia así o seu proxecto, saído en parte da editora Kalandraka, ao lado da que se sitúan fisicamente en Pontevedra e onde algúns dos integrantes de OQO traballaban. É o caso de Eva Mejuto que leva agora a comunicación da nova empresa, mentres que a dirección editorial corre ao cargo da profesora Marisa Núñez. Catro títulos abren as coleccións do selo que aposta polo álbum ilustrado e de calidade que afaste os prexuízos da literatura infantil e xuvenil como xénero menor.
Máis información en La Voz de Galicia
e no Galicia Hoxe
e o sitio web de OQO
