A asociación Ergueitos e o Concello de Sarria dan por consolidado o certame de poesía Fiz Vergara Vilariño coas catro edicións que xa leva. Este ano ao premio presentáronse 60 orixinais superando as cifras alcanzadas en anos anteriores e alén diso conseguindo por vez primeira a participación de escritores desde fora de Galicia. Fontes da asociación decláranse satisfeitas pola situación consolidada do certame, que ten como obxectivo manter a memoria de Fiz Vergara e conseguir que se lle dedique un Día das Letras Galegas e un congreso sobre poesía en Sarria. Outra das convocatorias máis singulares de literatura, o premio Risco de Literatura Fantástica convocado polo Concello de Ourense e a Fundación Vicente Risco, recibiu este ano doce orixinais deste xénero.
Máis información enLa Voz de Galicia
._2023_wikipedia.jpg)
