As organizacións non gubernamentais Bicis pola Paz de Chantada, que ten por obxectivo fomentar o eco-transporte nos proxectos de desenvolvemento, e Papaventos de Garabelos, que fai animación medioambiental e cultural, levan desde o ano 2000 facendo unha campaña de contacontos por colexios de toda Galicia e Portugal para financiar as súas actividades. Os relatos que levaron ante máis de vinte mil nenos, de contido pedagóxico e que transmiten valores humanitarios indiscutíbeis como a xustiza e a solidariedade, están agora dispoñíbeis en Internet nunha páxina que as dúas asociación usan para darse a coñecer e difundir as súas mensaxes.
Máis información no web Contosolidarios.org
