Ismael Ramos / Wikipedia
O poeta e escritor Ismael Ramos foi un dos gañadores do premio O. Henry 2026 de relato, un galardón prestixioso que desde 1919 valora relatos publicados de espazo internacional. Ramos ganou coa tradución ao inglés do seu relato "A lebre", publicado na revista The Common e traducido por Jacob Rogers. "The hare" ganou canda outros dezanove autores, como Colm Tóibín ou Brandon Taylor, e o seu relato será publicado na antoloxía anual que edita Penguin Random House cos ganadores. "A lebre" fora publicado inicialmente en A parte fácil (Xerais, 2023). O premio de relato O.Henry foi ganado ao longo da historia por figuras tan prestixiosas como William Faulkner ou Raymond Carver, entre outros. A elección dos relatos vai da man dun editor e editora convidada, que fai a selección de vinte ganadores, e que este ano é Jenny Minton Quigley.
