De esquerda a dereita, Anxo Angueira, Cesáreo Sánchez Iglesias, Patricia Porto, Pepe Barro, Miguel Toval e Anxo Lorenzo debaixo do loureiro de Rosalía de Castro do que saíron as follas do novo galardón e imaxe gráfica
Os premios Follas Novas do Libro Galego renovan imaxe e formato de xurado nesta nova edición. Corenta obras son finalistas dos premios ata o vindeiro 9 de maio no que se darán a coñecer as obras gañadoras en cada unha das categorías. Como ven sendo tradicional, coñeceranse na gala de entrega que terá lugar no Teatro Principal de Santiago.
Os premios están organizados pola Asociación de Escritoras e Escritores en Lingua Galega, a Asociación Galega de Editoras e a Federación de Librarías de Galicia. Nesta edición chegan á final arredor de 40 escritores, tradutores e ilustradores xunto con máis de 20 editoriais. As obras finalistas desta edición dos premios Follas Novas son o resultado dun proceso de selección de tres fases, que supón unha lectura e valoración da produción editorial galega.
A Editorial Galaxia, con oito obras finalistas, é a máis presente neste listado de libros do ano 2025. Tras dela, con seis obras está a produción editorial de Edicións Xerais e segue como editorial máis presente na selección de obras finalistas a editorial Kalandraka. Só nas categorías de Libro de Poesía e Libro Mellor editado non están presentes as publicacións destas tres grandes editoras. Outras moitas editoriais teñen presenza ata completar as 20 mencionadas na lista de finalistas presentada hoxe na Casa de Rosalía. No relativo aos Premios de Promoción da Lectura, decidirase entre a Libraría Cartabón de Vigo, a SELIC Semana do Libro de Compostela e o Club de lectura feminista A Lila + A Sega, tamén en Santiago de Compostela.
Para renovar a identidade gráfica nesta edición, a organización quixo contar co traballo de Pepe Barro. O deseñador explicou sobre o novo deseño que toda a imaxe dos Premios Follas Novas está pensada desde a forza do lugar, a Casa de Rosalía, coa forza vexetal e coa forza da terra, mesmo coa propia imaxe de Rosalía de Castro. O novo galardón inclúe unha folla do loureiro da propia casa da Matanza.
FINALISTAS DOS PREMIOS FOLLAS NOVAS DO LIBRO GALEGO 2026
PREMIO Á OBRA DE ENSAIO E INVESTIGACIÓN
Vidas e historias LGBT da Idade Media. Carlos Callón. Edicións Xerais de Galicia
As tolas que non o eran. Mulleres no manicomio de Conxo 1885-1936. Carmen V. Valiña. Editorial Galaxia
Ruth Matilda Anderson. Tradutora das marxes. Alba Rodríguez Saavedra. Laiovento
PREMIO Á OBRA DE DIVULGACIÓN
Somos pandeireteiras. VV.AA. Edicións Xerais de Galicia
Contáronme un conto mal contado. Onde estaban as mulleres na historia? Susana Reboreda Morillo (coord.). Editorial Galaxia
Vigo na liña do tempo. Manuel Bragado. Instituto de Estudos Vigueses
PREMIO Á OBRA DE NARRATIVA
Son como glaciares os barcos de aceiro. Cynthia Menéndez. Editorial Galaxia
Punto de araña. Nerea Pallares. Editorial Galaxia
Sarela. Marga Tojo. Edicións Positivas
PREMIO Á OBRA INFANTIL
Queco e Kika. Eva Mejuto. Edicións Xerais de Galicia
Pernascochas. Ramón D. Veiga e Blanca Millán. Antela Editorial
O Peculiar. Érica Esmorís. Cuarto de inverno
PREMIO Á OBRA XUVENIL
Bruxas e dragóns. Ledicia Costas e Luismi Pérez. Triqueta Verde
O enigma de Sempreviva. Andrea Maceiras. Edicións Xerais de Galicia
Unha historia de amor coma outra calquera. Rosa Aneiros. Editorial Galaxia
PREMIO AO LIBRO ILUSTRADO
Filla das ondas. Fina Casalderrey e Xosé Cobas. Kalandraka
A panadería. Lucía Belarte e David Lorenzo. Kalandraka
Alicia e a mestra de Oza. Iván R. e Paula Carballeira. Edicións Xerais de Galicia
PREMIO AO LIBRO DE BANDA DESEÑADA, GRÁFICO E HUMOR
A miña outra vida. Miguel Rojo. Retranca Editora
Adelina. Sandra Lodi. Editorial Galaxia
Rosalía Oculta. Paula Mayor. Editorial Galaxia
PREMIO Á INICIATIVA BIBLIOGRÁFICA
XVIII Premios Compostela de álbum ilustrado. VV.AA. Kalandraka
Diarios. Syra Alonso. Alvarellos Editora
Guía ilustrada do Entroido Galego. Alba de Evan, Xabier Domínguez e Iria Prol. Edicións Xerais de Galicia
PREMIO Á OBRA TRADUCIDA
Cos sinais da auga, de Lourdes Álvarez. Xavier R. Baixeras. Kalandraka
A máis recóndita memoria dos homes, de Mohamed Mbougar Sarr. María Alonso Seisdedos. Aira Editorial
O pequeno león, texto de Jacques Prevert e fotografía de Ylla. Tamara Andrés. Kalandraka
PREMIO AO LIBRO DE POESÍA
Insomnia. Luís Valle. Edicións Malafera
Mapa da estría. Andrea Nunes Brións. Chan da Pólvora
Arte menor. Susana Sanches Arins. aCentral Folque
PREMIO AO LIBRO DE TEATRO
O proceso. Apaga o candil. Cándido Pazó. Editorial Galaxia
As fillas bravas de Momán. Chévere teatro. Kalandraka
Manchea. Andrea Freire. Baía Edicións e Xunta de Galicia
PREMIO AO LIBRO MELLOR EDITADO
Drácula. Bram Stoker. Aira Editorial
Autobiografía do vermello. Unha novela en verso. Anne Carson. Chan da Pólvora
A caligrafía das espigas. Carlos Negro. Apiario
PREMIO PROMOCIÓN DA LECTURA
Libraría Cartabón
SELIC Semana do Libro de Compostela
Club de lectura feminista A Lila + A Sega
