De Ninghures, 'Feira'
A XVIII edición dos Premios MIN da música independente organizados pola Unión Fonográfica Independiente (UFi) repartíu onte en Córdoba os seus galardóns. Un dos artistas máis premiados da noite foi o coruñés Carlos Ares, que xa perfilaba como un dos mais potentes finalistas, e sae da gala cos premios ONE rpm a Álbum do Ano e Premio AGEDI a Mellor Álbum de Pop para 'La boca del lobo' (BMG, 2025) e tamén o Premio INGRESSE a Mellor Directo pola súa xira de presentación en 2025. Na categoría de Mellor Álbum en lingua galega o premio este ano foi para a formación De Ninghures polo seu disco 'Feira' (Tremendo Audiovisual, 2025). No palmarés para artistas galegos está tamén Alejandro Guillán (Baiuca), un habitual destes galardóns, acadou polo tema 'Xorieri', presentado xunto con Oreka Tx o premio a Mellor Produción Musical.
Capa do disco 'La boca del lobo' de Carlos Ares
