Máis de 400 contactos e un total de 1.400 propostas. Este é o resultado da fase de traballo de campo que promoveu a Xunta de Galicia de cara á renovación do Plan de Normalización Lingüística. A tarefa, organizada en 11 comisións de expertos, pasa agora á fase de redacción para elaborar "o documento definitivo que entregarán á Xunta no marco do Pacto pola Lingua", segundo informa a Consellería de Cultura.
José López Campos, titular da entidade, compareceu este 28 de xaneiro ante o Parlamento para dar conta da evolución destes traballos, e destacou que "finalizadas as entrevistas aumentáronse os prazos, a petición das comisións, para procesar a documentación con total autonomía e capacidade de decisión", e apuntou que "agardamos recibir nas vindeiras semanas o informe definitivo tras o que seguiremos insistindo en acadar o maior consenso posible polo galego".
Na súa intervención, López Campos listou tamén diferentes medidas a prol da lingua que está a desenvolver o eu departamento, como cursos para o estranxeiros ou o realización en liña das probas para obter o CELGA.
