O Premios do Cinema Europeo recoñeceron o filme Sirât, dirixido por Óliver Laxe, con cinco galardóns dos nove aos que estava nominado. En concreto, a produción fíxose cos recoñecementos á fotografía, montaxe, deseño de produción, deseño de son e dirección de casting. Non entanto, a película non se impuxo en ningunha das catro categorías principais ás que estaba nomeada, as de mellor filme, mellor guión, mellor director e mellor actor.
Os galardóns da produción de Laxe foron para Mauro Herce polo seu traballo en fotografía, para Cristóbal Fernández pola montaxe, Laia Ateca recibiu o recoñecemento ao deseño de produción, Yasmina Praderías, Amanda Villavieja e Laia Casanovas viron galardoado o seu deseño de son e Nadia Acimi, Luís Bértolo e María Rodrigo fixéronse co premio á dirección de casting.
