O hotel Congreso de Montouto (Teo) acolle o vindeiro 16 de xaneiro o acto de entrega da quinta xeira dos Premios Alfredo Iglesias. Estes galardóns recoñecen cada ano o labor cultural e o compromiso social de persoas e entidades do país, e contan este ano cunha nómina de 17 personalidades.
Deste xeito, Paula Carballeira obtivo o premio na categoría de escrita, mentres Wöyza levou o de música, o Museo do Pobo leva o premio de Acción Patrimonial e La Central Heladera fíxose co de Gastronomía. Tareixa Navaza no apartado de comunicación, Katuxa Platero na Moda, Esther Estévez en Música e Kiko da Silva en Ilustración fan tamén parte do palmarés.
Jorge Mira, que leva o premio de Ciencia, Fuco Reyes, que recollerá o de Artes, e Idoia Cuesta, galardoada en Artesanía, súmanse á Casa Museo Rosalía de Castro, que conseguiu o de Acción Cultural, á Fundación Dawn Compostela, galardón de Acción Social, e a Leila Nachawati, premio en Acción Solidaria. O recoñecemento á Memoria homenaxeou a traxectoria de José Luis Míguez Abucide, mentres Eiris Makencie foi Artista Revelación e Marisa Prada Personaxe Revelación.
Os galardóns, creados pola extinta Revista Coralia levan o nome do fotógrafo e escritor ourensán que faleceu en Teo en 2021.
Jorge Mira, que leva o premio de Ciencia, Fuco Reyes, que recollerá o de Artes, e Idoia Cuesta, galardoada en Artesanía, súmanse á Casa Museo Rosalía de Castro, que conseguiu o de Acción Cultural, á Fundación Dawn Compostela, galardón de Acción Social, e a Leila Nachawati, premio en Acción Solidaria. O recoñecemento á Memoria homenaxeou a traxectoria de José Luis Míguez Abucide, mentres Eiris Makencie foi Artista Revelación e Marisa Prada Personaxe Revelación.
Os galardóns, creados pola extinta Revista Coralia levan o nome do fotógrafo e escritor ourensán que faleceu en Teo en 2021.
