O calendario cinematográfico dos premios Óscar da poderosa industria cinematográfica estadounidense tiña marcado este 16 de decembro para dar a coñecer as "listas curtas" de precandidaturas aos galardóns nas diversas categorías. Os ollos estaban postos no que acontecería respecto a 'Sirât', o filme de OliverLaxe, candidato oficial da cinematografía española ao premio a Mellor Película Internacional e as decisións da Academia estadounidense veñen de superar todas as previsións. O filme entra nas "shortlists" de ata cinco categorías, manténdose na carreira por ser finalista para os galardóns de Mellor fotografía, Mellor banda sonora orixinal, Mellor Son e cásting, ademais da de Mellor Película Internacional. Esta acumulación de precandidaturas nos premios Óscar é un fito xa dentro da historia do cine español, independentemente do que poida ocorrer cando o vindeiro 22 de xaneiro de 2026 se dean a coñecer xa as cinco películas candidatas de cada categoría. Antes diso, o vindeiro 11 de xaneiro terá lugar a gala de entrega dos Premios Globos de Ouro que a Asociación da Prensa estranxeira en Hollywood outroga cada ano e nos que o filme de Laxe é finalista xa en dúas categorías: Mellor Película de Fala non inglesa, e Mellor Banda sonora para a asinada por Kangding Ray.
Este anuncio coincide no tempo coa inauguración da instalación ' HU/هُوَ. Bailad como si nadie os viera' do propio Oliver Laxe que hoxe preséntase no Museo Reina Sofía en Madrid. Esta instalación concibida polo cineasta especificamente para o Reina Sofía inaugura na institución a nova programación do Espacio 1, dedicada a proxectos de artistas e cineastas que exploran o cine de exposición. 'HU /هُوَ. Bailad como si nadie os viera' parte da investigación e das gravacións da película Sirāt, aínda que tamén inclúe outras imaxes tomadas polo cineasta noutros momentos da súa traxectoria. Segundo explica a folla de salas, a instalación, que ocupa dous espazos, presenta un territorio marcado por un monoteísmo austero, no que a procura de transcendencia lógrase na inmanencia tanto do corpo que baila e que lembra, coma na manifestación do sagrado na paisaxe natural, arquitectónica e sonora. A mostra vai acompañada dun programa retrospectivo da filmografía de Laxe no Cine do Museo en xaneiro de 2026.A exposición estará nom museo ata o vindeiro 20 de abril de 2026.
Este anuncio coincide no tempo coa inauguración da instalación ' HU/هُوَ. Bailad como si nadie os viera' do propio Oliver Laxe que hoxe preséntase no Museo Reina Sofía en Madrid. Esta instalación concibida polo cineasta especificamente para o Reina Sofía inaugura na institución a nova programación do Espacio 1, dedicada a proxectos de artistas e cineastas que exploran o cine de exposición. 'HU /هُوَ. Bailad como si nadie os viera' parte da investigación e das gravacións da película Sirāt, aínda que tamén inclúe outras imaxes tomadas polo cineasta noutros momentos da súa traxectoria. Segundo explica a folla de salas, a instalación, que ocupa dous espazos, presenta un territorio marcado por un monoteísmo austero, no que a procura de transcendencia lógrase na inmanencia tanto do corpo que baila e que lembra, coma na manifestación do sagrado na paisaxe natural, arquitectónica e sonora. A mostra vai acompañada dun programa retrospectivo da filmografía de Laxe no Cine do Museo en xaneiro de 2026.A exposición estará nom museo ata o vindeiro 20 de abril de 2026.
