A Casa da Cultura do Porto do Son acollía este 13 de decembro o acto de entrega dos Premios da Cultura Barbantia. Os recoñecementos anuais da Asociación Barbantia recoñeceron o pintor Antonio Pérez na categoría á traxectoria cultural da comarca. Canda a el, recibiu un galardón o artista, escritor e crítico de arte Manuel Olveira na categoría que recoñece iniciativas culturais galegas, mentres o Museo Valle-Inclán obtivo o recoñecemento á iniciativa cultural no Barbanza.
O presidente da Deputación da Coruña, Valentín González Formoso, sinalou no acto de entrega que as traxectorias e proxectos recoñecidos representan "a forza colectiva da cultura" e contribúen a proxectar o Barbanza como un territorio cultural cun futuro prometedor.
No evento, a Asociación Barbantia presentou tamén o Anuario de Estudos do Barbanza 2025, o VIII Recopilatorio A Voz do Barbanza e mais o suplemento cultural A voz do Barbanza número 210.
No evento, a Asociación Barbantia presentou tamén o Anuario de Estudos do Barbanza 2025, o VIII Recopilatorio A Voz do Barbanza e mais o suplemento cultural A voz do Barbanza número 210.
