Adrián Noia gana o premio SELIC cunha novela de diálogo interxeracional

O escritor Adrián Noia fíxose co premio SELIC de creación literaria con 'O silencio non arrola', unha novela que en palabras do xurado "pon en valor a memoria da cidade, recupera e dignifica o tempo de quen perdeu na historia e achega un diálogo interxeracional". O premio, organizado polo concello de Santiago, está dotado con 6.000 euros e a obra será publicada na colección SELIC que edita Edicións Positivas canda o concello de Santiago.