Xosé Lois Armada é nomeado novo director do INCIPIT

O Instituto de Ciencias do Patrimonio do CSIC (INCIPIT) ten novo director. Será Xosé Lois Armada Pita (Cariño, 1977), científico titular do centro desde 2021 e arqueólogo especializado en metalurxia antiga e as súas implicacións sociais, sobre todo "na prohohistoria atlántica e as súas interaccións co ámbito mediterráneo". Armada substitúe ao reputado arqueólogo Felipe Criado, director do centro desde a súa creación no ano 2010 e Premio Nacional de Investigación Ramón Menéndez Pidal na área de Humanidades en 2023. Armada afrontará un momento de especial relevancia para a investigación no centro. Segundo informan desde o CSIC, o INCIPIT "captou máis de 8 millóns de euros en proxectos de concorrencia competitiva e máis de 690.000 € en proxectos de investigación". En 2025 tamén subscribiu coa Royal Commission for Alula, unha entidade de desenvolvemento rexional de Arabia Saudita, por cinco millóns de euros.