Falece a artista Maribel Longueira

Aos 74 anos de idade morría este sábado na súa cidade natal a fotógrafa Maribel Longueira (A Coruña, 1951, 2025). Artista con numerosa obra publicada e exposta en mostras individuais e colectivas, licenciouse en Historia da Arte Contemporánea na Universidade de Santiago de Compostela, doutorouse sobre patrimonio e fotografía na UNED e especializouse en xestión de Patrimonio e Bens Culturais na Universidade da Coruña. As súas fotografías expuxéronse en España, Cuba, Francia, Gran Bretaña, Brasil, Estados Unidos, Islandia, etc. Ten traballado en actividades de interese plástico como cinema, teatro, cerámica, pintura e, sobre todo, na fotografía como investigación teórica e na práctica, ademais de fotografía téxtil. Moi coñecida polo seu traballo de poesía visual, tivo moita presenza o pasado ano 2024 pola súa colaboración coa finada poeta Luísa Villalta, á que estaba dedicado o Día das Letras Galegas nunha publoicación sobre o barriod e O Papagaio da Coruña.