As universidades galegas e a Xunta presentaron onte unha campaña de dinamización do galego nos centros universitarios. A iniciativa, a primeira que se realiza de xeito conxunto polas tres universidades, titúlase O galego xa é teu e xoga coa idea da lingua coma un superpoder. A campaña consta dun vídeo "a modo de tráiler de película protagonizada por un superheroe con un superpoder, o galego, facendo un chamamento a que este é o momento para demostralo" e un conxunto de accións de difusión en redes e diversos materiais e imaxes con produtos promocionais. A iniciativa recibiu un apoio de 30.000 euros por parte da Xunta.
