Un convenio con cada unha das universidades galegas repartirá a partes iguais os 3 millóns de euros cos que a Consellaría de Educación quere apoiar os "gastos de
equipamento dos grupos e melloras nos centros de investigación". O Consello da Xunta aprobaba onte esta partida de apoio á Investigación e Desenvolvemento das universidades galegas, que se integra no Plan galego de investigación, innovación e crecemento 2011-2015 (Plan I2C). Co investimento, Educación pretende que os centros de investigación das universidades se convertan en "centros de referencia e excelencia na produción científica".
