Contratar 22 investigadores durante tres anos. Este é o obxectivo do convenio que acaba de asinar a Consellaría de Educación coas tres universidades galegas e para o que se destina un total de 2.783.447 euros. A iniciativa pretende, segundo a Consellaría "favorecer e consolidar o acceso do persoal posdoutoral ás universidades galegas", compartindo coas universidades os gastos de contratación. Educación sinala que este é o terceiro ano que se asina este convenio, e que ao abeiro do mesmo contratáronse neste período 60 investigadores procedentes do programa Isidro Parga Pondal.
