Os equipos de normalización presentan a súa campaña a prol da lingua

A Coordinadora de Equipos de Normalización Lingüística ten xa no seu web o material co que comeza a campaña Orgullosos do noso, orgullosos do galego. A iniciativa, que pretende concienciar a sociedade de que ter lingua propia é unha sorte e un motivo para estar orgulloses, inclúe nesta primeira fase material para imprimir como calendarios ou carteis e mais videos promocionais. Entre estes últimos, atopamos o que dá título á campaña, no que diversos persoeiros da cultura do país, como Luís Tosar, Belén Regueira ou Antón Reixa, amosan o seu apoio a esta proposta.