Dous autores galegos gañan o V Certame Iberoamericano de Dramaturxia Carlos Schwaderer

O xurado do V Certame Iberoamericano de Dramaturxia Carlos Schwaderer convocado en Castuera (Badajoz) pola Asociación para o fomento da práctica teatral en nenos, adolescentes e adultos ‘Atizar’ ven de fallar o seu ditame concedendo a dous autores galegos o seu primeiro e segundo premio. O primeiro premio do certame foi para a obra ' Push, Push, Preludio' escrita polo carballinés José Domínguez-Bueno (O Irixo), autor retornado tras un longo período en Venezuela onde desenvolveu a súa carreira profesional no teatro, tanto como dramaturgo ou director como na interpretación. Pola súa banda o autor vigués Carlos Segovia acadou o segundo premio do certame coa peza 'Cómo te odiamos, Mozart'. Os premios entregaranse este vindeiro 29 de agosto en Castuera.