Aínda que levaba tempo anunciada, desde o pasado ano, aínda non estaba dispoñible a páxina web que reúne documentación sobre a vida e as obras do arquitecto Antonio Palacios. Este proxecto do Circulo de Bellas Artes de Madrid co apoio do Concello do Porriño xa está agora en liña. Atlaspalacios.com é o nome do proxecto multimedia de estudo e difusión da obra deAntonio Palacios e está comisariado por José Manuel Mouriño.
Materiais do caderno de campo, localizacións das súas obras, tanto en Galicia como en Madrid, material didáctico e outros elementos, entre eles un futuro filme, conforman os contidos desta moi completa web que xa se pode consultar.
